Almannavarnaæfing í göngunum í nótt

Umfangsmikil almannavarnaæfing var í Hvalfjarðargöngum í gærkvöld og fram eftir nóttu eftir að þeim var lokað fyrir umferð kl. 22. Að æfingu lokinni hófst árleg vorhreingerning, Göngin verða lokuð líka næstu þrjár nætur vegna viðhaldsvinnu af öllu tagi.

IMG 3423Sviðsett var alvarlegt slys þar sem þrír bílar áttu að hafa skollið saman og átta eða níu manns slasast illa. Lögreglu-, slökkvi- og björgunarlið dreif að af Vesturlandi og úr Reykjavík eftir stórútkall Neyðarlínunnar og þyrla frá Landhelgisgæslunni tók þátt í æfingunni.

Fólk var klippt út úr bílflökunum og það flutt áleiðis á sjúkrahús á Akranesi eða í Reykjavík, sumir voru sendir suður í þyrlunni.

Í síðari hluta æfingar var kveikt í stafla af vörubrettum í flutningsgámi til að kanna hvernig reykur myndaðist við brunann og hvernig hann myndi hegða sér á leið suður úr göngunum. Reykurinn fór með loftinu í fyrstu en lækkaði fljótlega flugið, dreifði sér og myndaði þéttan „tappa“ sem þokaðist suður göngin. Í honum var ekki unnt að sjá handa sinna skil og því ófært fyrir björgunarlið niður í göngin að sunnanverðu.

Allan tímann voru æfð samskipti og fjarskipti þátttakenda, sem eðli máls samkvæmt eiga að vera skýr, einföld og greið en geta verið snúin. Enda mynda margir hópar beggja vegna Hvalfjarðar sameiginlegt björgunarlið í göngunum ef eitthvað bjátar þar á.

Æfingin hófst með samkomu á slökkvistöðinni á Akranesi kl. 19 þar sem farið var yfir helstu þætti almannavarnaáætlunar Hvalfjarðarganga og fjallað líka um hættur í veggöngum yfirleitt.

Samkomunni lauk með „skrifborðsæfingu“ þar sem stjórnendur  fóru yfir væntanlega æfingu undir Hvalfirði og ræddu hana lið fyrir lið til að fá sem mest út úr verklega hlutanum.

Almannavarnaæfingin tókst vel og verður metin rækilega á sérstökum fundi síðar. Alls tóku um 70 manns þátt í henni í nótt, þar á meðal

  • Slökkvilið höfuðborgarsvæðisins
  • Lögreglan á höfuðborgarsvæðinu
  • Slökkvilið Akraness og Hvalfjarðarsveitar
  • Lögreglan á Akranesi og í Borgarnesi
  • Spölur ehf., sem á og rekur göngin
  • Landhelgisgæslan
  • Sjúkraflutningar á Akranesi og í Borgarnesi
  • Vegagerðin
  • Neyðarlínan

+      sjálfboðaliðar til að leika slasaða

Spölur ehf. á og rekur Hvalfjarðargöng.

Skrifstofa Spalar er að
Kirkjubraut 28, 
300 Akranes
sími 431 5900, fax 431 5901. 

Skrifstofan (afgreiðsla veglykla) opin:
mánudaga til fimmtudaga  
8:00-16:00
föstudaga
8:00-15:00 

Kennitala: 511295-2119.

FYRIRMYNDARFYRIRTÆKI

VR Fyrirmyndarfyrirtaeki 2015 VR Fyrirmyndarfyrirtæki 2015 enska Fyrirmyndarfyrirtæki VR 2014 Spölur - Fyrirmyndarfyrirtaeki VR 2013
Fyrirmyndarfyrirtæki VR 2012 Fyrirmyndarfyrirtæki VR 2011 Fyrirmyndarfyrirtæki árið 2010 Fyrirmyndarfyrirtæki VR 2009