Af meintri spákúlu Spalar

Spalarmönnum er margt til lista lagteins og þjóðin þekkir mætavel. Fréttastofa Ríkisútvarpsins ætlar þeim talsvert ríflegra atgervi en meira að segja þeir eiga skilið þegar hún í fjórgang í sjónvarpsfréttatímum kvöldsins taldi Spöl hafa séð fyrir gagnrýni sem öryggismál Hvalfjarðarganga sættu í sumar í umtalaðri skýrslu samtaka evrópskra bifreiðaeigenda undir verkefnaheitinu EuroTap!

Frásögnin af sívöktunarkerfinu sem slíku var ágætlega gerð og hefði staðið óstudd fyrir sínu en hún fékk vissulega annan blæ þegar skáldað var til viðbótar að Spölur hefði sett upp nýja kerfið til að bregðast við EuroTap.

Eitt er að segja fréttir og annað að búa þær til.

Hér á  heimasíðu Spalar er gangur málsins rakinn, nákvæmlega eins og hann var. Fréttamaðurinn fékk sömu upplýsingar en fór samt með rangt mál, vonandi ekki viljandi.

  • Endurbætur myndavélakerfisins bar fyrst á góma í forystu Spalar árið 2007.
  • Sumarið 2009 bað Spölur verkfræðistofuna Mannvit að gera úttekt á hvað vantaði upp á að Hvalfjarðargöng stæðust gildandi reglugerðir (tilskipun ESB og reglugerð hérlendis til staðfestingar henni).
  • Mannvit skilaði bráðbirgðaskýrslu í lok ágúst 2009 og endanlegri skýrslu í byrjun október 2009.
  • Í framhaldinu gerði Spölur drög að framkvæmdaáætlun og hefur verið unnið eftir því síðan sem Mannvit lagði til, þar með talið að fjölga eftirlitsmyndavélum.
  • Síðvetrar 2010 hófust samskipti Spalar og Ísmars sem leiddu til samninga um sívöktunarkerfið, sem er annað og mun meira mál en einungis að fjölga myndavélum.
  • EuroTap-skýrslan var hins vegar ekki birt fyrr en síðsumars 2010.

Ef marka má RÚV brást Spölur því með öðrum orðum við skýrslunni löngu áður en byrjað var að vinna að henni og löngu áður en hún var loks birt!

Ekki að spyrja að Speli.

Flýtileiðir vegna endurgreiðslu

1. Skráðu bankaupplýsingar með Íslykli

2. Prentaðu út skilagrein og sendu til Spalar

Skrifstofu Spalar að Kirkjubraut 28 á Akranesi hefur verið lokað! 

Unnt er að hafa samband í síma 431 5900 og með tölvupósti: spolur@spolur.is 

 

FYRIRMYNDARFYRIRTÆKI

VR Fyrirmyndarfyrirtaeki 2015 VR Fyrirmyndarfyrirtæki 2015 enska Fyrirmyndarfyrirtæki VR 2014 Spölur - Fyrirmyndarfyrirtaeki VR 2013
Fyrirmyndarfyrirtæki VR 2012 Fyrirmyndarfyrirtæki VR 2011 Fyrirmyndarfyrirtæki árið 2010 Fyrirmyndarfyrirtæki VR 2009