Umferðin í Hvalfjarðargöngum var 4,1% meiri í júlí en í sama mánuði 2008. Um göngin fóru að jafnaði 8.019 bílar á sólarhring og það hefur ekki gerst fyrr, frá því göngin voru opnuð, að umferðin nái 8.000 bílum á sólarhring í einum mánuði.

Umferðin í júlí var tæplega tvöfalt meiri í júlí en í janúar í ár þegar um göngin fóru um 4.060 bílar á sólarhring.

Á yfirstandandi rekstrarári Spalar, frá október til september, var umferðin sem sagt minnst í janúar en mest núna í júlí, þ.e.a.s. að jafnaði á sólarhring. Ósennilegt er að tölurnar fyrir ágúst breyti nokkru um þá stöðu í heildarmynd umferðar á rekstrarárinu öllu því ætla má að umferðin verður mun meiri í ágúst en í janúar en hins vegar minni en í júlí.