Um eldvarnir í Hvalfjarðargöngum

Laugardaginn 1. mars síðastliðinn birti Morgunblaðið grein um eldvarnir í Hvalfjarðargöngum eftir Gísla Árnason rannsóknarlögreglumann. Sama grein hafði áður birst í Skessuhorni í tilefni kjarnaborana í göngunum. Greinarhöfundur gefur sér forsendur sem benda til þess að hann skorti upplýsingar um staðreyndir. Skal nú reynt að bæta úr því.

Samkvæmt gildandi stöðlum eiga flóttaleiðir á milli núverandi ganga og nýrra ganga að vera með 250 metra millibili, þ.e. flóttaleiðir yrðu yfir 20 talsins, byggðar samkvæmt viðkenndum stöðlum. Um þetta er enginn ágreiningur og hafa boranirnar ekkert með það mál að gera.

Samkvæmt gildandi stöðlum má halli í veggöngum nú ekki vera meiri en 7,0% en halli í núverandi göngum er 8,1% að norðanverðu. Það er því ljóst að ný göng geta ekki legið í sama plani og þau eldri, halli milli þeirra mundi fara stöðugt vaxandi upp að norðan og munni nýrra ganga vera 300-400 metrum norðvestar en núverandi munni, þ.e. nálægt því sem hringtorgið er núna.

Með kjarnaborunum er verið að kanna hvort lyfta megi botni nýrra ganga eitthvað, miðað við botn núverandi ganga, án þess að draga úr öryggi vegfarenda. Jafnframt verði miðað við að munnar beggja ganga að norðan verði samsíða eða því sem næst. Þannig mætti lækka framkvæmdakostnað við ný göng talsvert og spara útgjöld á fleiri sviðum.

Þegar borunum lýkur skilar jarðfræðiráðgjafi Spalar, Ágúst Guðmundsson, skýrslu um gerð og þykkt klappar yfir væntanlegum göngum. Þegar þær upplýsingar liggja fyrir skilar verkfræðistofan Hnit, verkfræðilegur ráðgjafi Spalar, félaginu tillögum að legu nýrra ganga. Þar kemur fram hvort unnt sé að hækka botn þeirra og þá hve mikið, hvernig ný göng komi til með að liggja í hæð og plani, heildarlengd ganganna, heildarlengd flóttaleiða og gerð þeirra. Allir þessir þættir eru samtvinnaðir þannig að breyting á einum hefur áhrif á aðra.

Þegar hér er komið sögu fjallar stjórn Spalar um fyrirliggjandi tillögur ráðgjafa sinna og tekur afstöðu til þeirra í samráði við Vegagerðina.

Í þessu ljósi er óhætt að mæla með því að menn dragi við sig að fjalla á opinberum vettvangi um mannvirki sem enn er ekki meira en hugmynd á frumstigi rannsókna og hönnunar. Nægur tími gefst til þess síðar að ræða ný Hvalfjarðargöng frá öllum hliðum en þá er rétt að forsendurnar verði til áður en farið er að ræða þær.

Flýtileiðir vegna endurgreiðslu

1. Skráðu bankaupplýsingar með Íslykli

2. Prentaðu út skilagrein og sendu til Spalar

Skrifstofu Spalar að Kirkjubraut 28 á Akranesi hefur verið lokað! 

Unnt er að hafa samband í síma 431 5900 og með tölvupósti: spolur@spolur.is 

 

FYRIRMYNDARFYRIRTÆKI

VR Fyrirmyndarfyrirtaeki 2015 VR Fyrirmyndarfyrirtæki 2015 enska Fyrirmyndarfyrirtæki VR 2014 Spölur - Fyrirmyndarfyrirtaeki VR 2013
Fyrirmyndarfyrirtæki VR 2012 Fyrirmyndarfyrirtæki VR 2011 Fyrirmyndarfyrirtæki árið 2010 Fyrirmyndarfyrirtæki VR 2009