Bormenn með líf í lúkum

Þeir sem vinna við kjarnaborun í Hvalfjarðargöngum eru með lífið í lúkunum, í orðsins fyllstu merkingu. Sumir vegfarendur aka bæði hratt og ógætilega með fram hjá vinnusvæðinu og virða merkingar að vettugi. Einn ók á tilkynningarskilti þar í dag þegar hann reyndi að aka öfugum megin fram úr flutningabíl upp brekkuna að norðan.

Unnið er við borunina í útskoti neðarlega í norðurbrekku ganganna, þar sem eru tvær akreinar til norðurs. Innri akreinin er lokuð og afgirt á kafla og hættuástand skapast einkum þegar flutningabílar fara upp vinstri akreinina en þeir sem á eftir koma gefa þá í, ætla fram úr á hægri akrein og lenda þá á lokununni sem þeir ekki sáu vegna þess að flutningabíllinn takmarkaði útsýni þeirra.

Þetta er hreinn og klár háskaakstur og bormennirnir eru satt að segja skelfingu lostnir yfir því sem þeir verða vitni að, aftur og aftur. Og það sem verra er - fyrir þá sjálfa og öryggi þeirra: Næsta hola verður boruð af akreininni sjálfri og þá verða bæði tæki og mannskapur á sjálfri akbrautinni og þar með í stórhættu ef ekki verður lát á glæfraakstrinum nú þegar .

Flýtileiðir vegna endurgreiðslu

1. Skráðu bankaupplýsingar með Íslykli

2. Prentaðu út skilagrein og sendu til Spalar

Spölur ehf. á og rekur Hvalfjarðargöng.

Skrifstofa Spalar er að
Kirkjubraut 28, 
300 Akranes
sími 431 5900, fax 431 5901. 

Opið mánudaga til fimmtudaga  8-16

og föstudaga 8-15 

Kennitala: 511295-2119

FYRIRMYNDARFYRIRTÆKI

VR Fyrirmyndarfyrirtaeki 2015 VR Fyrirmyndarfyrirtæki 2015 enska Fyrirmyndarfyrirtæki VR 2014 Spölur - Fyrirmyndarfyrirtaeki VR 2013
Fyrirmyndarfyrirtæki VR 2012 Fyrirmyndarfyrirtæki VR 2011 Fyrirmyndarfyrirtæki árið 2010 Fyrirmyndarfyrirtæki VR 2009