Ökumaðurinn horfinn þegar lögreglu bar að

Ökumaður bifreiðar, sem fór utan í vegg í Hvalfjarðargöngum í gærkvöld, slapp með minniháttar meiðsl en bifreiðin er mikið skemmd. Þegar lögregla kom á vettvang var ökumaðurinn hvergi sjáanlegur og á leið til Reykjavíkur sem farþegi annars vegfaranda.

Óhappið átti sér stað við spennustöð sunnarlega í göngunum. Ökumaðurinn var einn á ferð á leið til Reykjavíkur og missti stjórn á bílnum með þeim afleiðingum að hann fór utan í bergið, valt á hliðina en datt svo niður á hjólin á nýjan leik. Vegfarandi, sem kom á vettvang augnabliki síðar, tók ökumann upp í og ók áfram með hann áleiðis til Reykjavíkur. Lögregla og sjúkrabílar frá Reykjavík og Akranesi komu því að bílflakinu mannlausu. Lögreglumenn fóru þegar í stað að grennslast fyrir um afdrif ökumannsins og tókst að hafa upp á honum með því að styðjast við ábendingar annarra vegfarenda.

Vegfarandanum umrædda gekk vissulega gott eitt til að bjóðast til að koma ökumanninn umrædda undir læknishendur fyrir sunnan en víst er að þetta er ekki góðverk til eftirbreytni. Þeir sem ekki kunna til verka á slysstað geta nefnilega gert illt verra með því að hreyfa slasað fólk og í þessu tilviki var björgunarlið rétt ókomið.

Óhappið varð um kl. 19:30 í gærkvöld og í framhaldinu voru göngin lokuð umferð í um eina klukkustund. Vegfarendur biðu á meðan beggja vegna fjarðar, þar á meðal KR-ingar á leið upp á Akranes að fylgjast með sínum mönnum etja kappi við Skagamenn í úrvalsdeildinni í knattspyrnu

Flýtileiðir vegna endurgreiðslu

1. Skráðu bankaupplýsingar með Íslykli

2. Prentaðu út skilagrein og sendu til Spalar

Skrifstofa Spalar á Akranesi verður enn um sinn opin á virkum dögum frá kl. 9 til 15. Lokað í hádeginu.

Símanúmerið er 431 5900, tölvupóstfangið spolur@spolur.is

 

FYRIRMYNDARFYRIRTÆKI

VR Fyrirmyndarfyrirtaeki 2015 VR Fyrirmyndarfyrirtæki 2015 enska Fyrirmyndarfyrirtæki VR 2014 Spölur - Fyrirmyndarfyrirtaeki VR 2013
Fyrirmyndarfyrirtæki VR 2012 Fyrirmyndarfyrirtæki VR 2011 Fyrirmyndarfyrirtæki árið 2010 Fyrirmyndarfyrirtæki VR 2009