Af slysatölfræði

DV birti núna í vikunni frétt um að umferðaróhöppum í Hvalfjarðargöngum hefði fjölgað ár frá ári. Í fyrra hefðu tveir „slasast alvarlega“ í göngunum og var vísað til upplýsinga frá Umferðarstofu í því sambandi. Þegar skyggnst var yfir atburði síðasta ár í ranni Spalar reyndist hins vegar hvorki einfalt né augljóst að finna tölfræðinni nákvæman stað í veruleikanum.

Á daginn kom svo, í samtali við Umferðarstofu, að nóg er að bráka bein á fingri í umferðinni til að viðkomandi sé skráður „alvarlega slasaður“. Þetta er sagt vera í samræmi við alþjóðlegar skráningarreglur, sem er út af fyrir sig í góðu lagi, en vissulega rúmlega spölkorn frá venjulegum málskilningi óbreyttra borgara.

Skráð er eitt „alvarlegt slys“ í Hvalfjarðargöngum á árinu 2006, reyndar fyrsta og eina „alvarlega slysið“ frá því þau voru opnuð sumarið 1998. Þá eru tveir skráðir „alvarlega slasaðir“ í göngunum 2006. Samkvæmt upplýsingum Umferðarstofu er hér átt við óhapp að morgni 20. maí í fyrra þegar bíl var ekið harkalega utan í gangavegg. Tvennt úr þessum bíl var flutt á slysadeild. Hér á heimasíðunni og í Morgunblaðinu var talað um „minniháttar meiðsl“ (haft eftir lögreglu).

Sjálfsagt má rökræða um hvenær áverkar teljast minniháttar og hvenær alvarlegir. Þar hlýtur huglægt mat að koma til sögunnar að einhverju leyti og ekkert við það að athuga. Eftir stendur hins vegar, og það er tilefni þessarar hugleiðingar, að óhappið umrædda er nú komið á spjöld sögunnar sem hið alvarlegasta í umferðinni í Hvalfjarðargöngum frá upphafi. Þannig standa nú málin ef trúa ætti hinni opinberu slysatölfræði bókstaflega.

Önnur atvik minna hins vegar mun fyrr á sig þegar aðstandendur ganganna láta hugann reika og rifja upp sem sem upp á hefur komið og alvarlegt telst. Opinber tölfræði segir því ekki alla söguna og stundum meira að segja ekki einu sinni hálfa sögu.

Flýtileiðir vegna endurgreiðslu

1. Skráðu bankaupplýsingar með Íslykli

2. Prentaðu út skilagrein og sendu til Spalar

Skrifstofu Spalar að Kirkjubraut 28 á Akranesi hefur verið lokað! 

Unnt er að hafa samband í síma 431 5900 og með tölvupósti: spolur@spolur.is 

 

FYRIRMYNDARFYRIRTÆKI

VR Fyrirmyndarfyrirtaeki 2015 VR Fyrirmyndarfyrirtæki 2015 enska Fyrirmyndarfyrirtæki VR 2014 Spölur - Fyrirmyndarfyrirtaeki VR 2013
Fyrirmyndarfyrirtæki VR 2012 Fyrirmyndarfyrirtæki VR 2011 Fyrirmyndarfyrirtæki árið 2010 Fyrirmyndarfyrirtæki VR 2009