Festist undir öryggisbitanum!

Enn einu sinni geri flutningabílstjóri sig sekan um að fara inn í Hvalfjarðargöng með ólöglega háan farm en strandaði þar í bókstaflegum skilningi og varð að snúa við. Þetta átti sér stað í gærkvöld og var fimmta atvik sinnar tegundar á aðeins hálfum öðrum sólarhring.

Flutningabíll með límtrésbita ofan á vörugámi ætlaði norður göngin og bílstjórinn var afskaplega vel meðvitaður um að hæð farmsins væri umfram löglegt hámark ef marka má upptöku úr öryggiskerfi ganganna. Hann sveigði fram hjá slánni yfir akbrautinni sunnan ganganna (þ.e. slá sem ætlað er að vera viðmiðun fyrir bílstjórana varðandi hæð farmsins!), renndi sér síðan rólega inn í munna ganganna, festist þar undir öryggisbitanum, lækkaði bílinn með því að hleypa lofti úr púðum og reyndi að halda áfram en allt kom fyrir ekki.

Það sem vekur sérstaka athygli í þessu tilviki er að bílstjórinn vissi nákvæmlega hvað hann var að gera, það er að segja hann gerði sér grein fyrir að farmurinn væri of hár en reyndi samt að troða sér í gegn.

Starfsmaður í gjaldskýli sá á skjám hjá sér þegar flutningabílnum var sveigt fram hjá viðmiðunarslánni og kveikti þá á rauð, blikkandi aðvörunarljós við gangamunnann. Bílstjórinn hafði þau ljós að engu og á myndbandsupptökunni sést hann beina annarri umferð framúr strönduðum bíl sínum - sem auðvitað skapaði hættu vegna bíla sem komu úr göngunum úr norðri.

Flýtileiðir vegna endurgreiðslu

1. Skráðu bankaupplýsingar með Íslykli

2. Prentaðu út skilagrein og sendu til Spalar

Spölur ehf. á og rekur Hvalfjarðargöng.

Skrifstofa Spalar er að
Kirkjubraut 28, 
300 Akranes
sími 431 5900, fax 431 5901. 

Opið mánudaga til fimmtudaga  8-16

og föstudaga 8-15 

Kennitala: 511295-2119

FYRIRMYNDARFYRIRTÆKI

VR Fyrirmyndarfyrirtaeki 2015 VR Fyrirmyndarfyrirtæki 2015 enska Fyrirmyndarfyrirtæki VR 2014 Spölur - Fyrirmyndarfyrirtaeki VR 2013
Fyrirmyndarfyrirtæki VR 2012 Fyrirmyndarfyrirtæki VR 2011 Fyrirmyndarfyrirtæki árið 2010 Fyrirmyndarfyrirtæki VR 2009