Sá eftirlýsti gaf sig fram

Ökumaður flutningabíls sem „lýst var eftir“ í fréttum Sjónvarps í gærkvöld gaf sig fram í dag. Hann ók á öryggisbita beggja vegna í Hvalfjarðargöngum í gær og hélt ótrauður áfram för sinni norður í land.

Þetta var sjötti atvikið á aðeins tveimur sólarhringum þar sem flutningabílar með gröfur, gáma eða annan ólöglega háan farm gluðuðu á öryggisbitana. Oft hefur aðstandendum ganganna blöskrað kæruleysi og ábyrgðarleysi flutningabílstjóra að þessu leyti en nú keyrði gjörsamlega um þverbak.

Fréttastofa Sjónvarps fjallaði í fyrrakvöld um flutningabíl á leið til Vestfjarða, sem keyrði sig fastan í gangamunnanum að sunnan með límtrésbita ofan gámi. Hún fékk svo óvænt efni til að fylgja málinu eftir í gærkvöld þegar í ljós kom að flutningabíll með gröfu á vagni hafði keyrt öryggisbita úr festingum sínum beggja vegna og stungið af. Greint var frá atvikinu og sagt að bílstjórans væri leita. Hann lét frá sér heyra eftir fréttatímann í gærkvöld og var ráðlagt að hafa samband við lögregluna í Mosfellsbæ hið snarasta.

Mál er að linni og þó fyrr hefði verið. Viðbrögð vegna frétta af síendurteknum brotum ökumanna flutningabíla af þessu tagi leyna sér ekki. Fólk er alveg gáttað á hegðun flutningamanna og ekki síður á því að viðurlögin eru svo léttvæg sem raun ber vitni um.

Hér er sannarlega um líf og limi annarra vegfarenda að tefla ef farmur losnar og hrynur niður á akbrautir við árekstur við öryggisbitana. Sjálfir öryggisbitarnir eru svo 500-700 kílóa stálstykki. Ef flutningabíll slítur einn slíkan alveg niður í festingum sínum er voði búinn bílum sem á eftir koma eða mæta viðkomandi flutningabíl í sömu andránni.

Flýtileiðir vegna endurgreiðslu

1. Skráðu bankaupplýsingar með Íslykli

2. Prentaðu út skilagrein og sendu til Spalar

Skrifstofu Spalar að Kirkjubraut 28 á Akranesi hefur verið lokað! 

Unnt er að hafa samband í síma 431 5900 og með tölvupósti: spolur@spolur.is 

 

FYRIRMYNDARFYRIRTÆKI

VR Fyrirmyndarfyrirtaeki 2015 VR Fyrirmyndarfyrirtæki 2015 enska Fyrirmyndarfyrirtæki VR 2014 Spölur - Fyrirmyndarfyrirtaeki VR 2013
Fyrirmyndarfyrirtæki VR 2012 Fyrirmyndarfyrirtæki VR 2011 Fyrirmyndarfyrirtæki árið 2010 Fyrirmyndarfyrirtæki VR 2009