Bíl frá Flytjanda ekið á öryggisbita í annað sinn á þremur mánuðum

Flutningabíl frá Flytjanda var ekið á öryggisbita í suðurmunna Hvalfjarðarganga í gærkvöld og þar sat hann fastur. Lögregla stjórnaði umferð fram hjá bílnum til að byrja með en göngunum var síðan lokað alveg á meðan bíllinn var losaður og öryggisbúnaði þeirra komið í samt lag á ný. Sami flutningabíll kom við sögu á sama hátt 6. september síðastliðinn.

Flytjandabíllinn var á leið norður í land með stóran blásara á vagni. Lögleg hámarkshæð farms er 4,2 metrar en mæling lögreglu leiddi í ljós að hæð farmsins (blásarans) var 4,62 metrar, þ.e.a.s. ríflega 40 sentimetrar umfram það sem lög kveða á um. Stálbiti, sem er yfir gangamunnanum til að verja blásara og annan búnað ganganna, losnaði úr festingum sínum beggja vegna en hékk uppi í öryggiskeðjum. Atvikið átti sér stað um kl. 18 í gær, þegar umferð er hvað mest í göngunum, og olli miklum umferðartöfum.

Bílstjóri sama flutningabíls reyndi að troða sér í gegnum Hvalfjarðargöng með allt of háan farm fyrir tæplega þremur mánuðum og ruddi stálbita úr báðum festingum, nákvæmlega eins og gerðist í gær.

Lögregla á höfuðborgarsvæðinu hefur undanfarna daga hert mjög eftirlit með farmflutningum og stöðvað þá bíla sem hafa farið um stræti og torg með alls kyns farm án þess að frá honum væri gengið í samræmi við reglur og heilbrigða skynsemi. Þetta virðist því miður litlu skila eins og ítrekuð dæmi sanna.

Í grannríkjum okkar fengju bílstjórar og flutningafyrirtæki himinháar sektir fyrir að hegða sér svona. Í alvarlegustu tilvikum myndu bílstjórar missa ökuskírteini og fyrirtæki þeirra starfsréttindi fyrir að ógna lífi og limum annarra vegfarenda með því að aka um með farm sem væri allt of hár eða ekki búið um samkvæmt lögum og reglum. Hérlendis hefur hins vegar verið látið duga að hirða nokkra þúsundkalla í sekt af bílstjórum sem gerst hafa sekir um alvarleg brot af þessu tagi, jafnvel ítrekuð. Viðurlögin eru svo ómerkileg að hvorki bílstjórar né flutningafyrirtæki telja þau til refsingar af neinu tagi.

Flýtileiðir vegna endurgreiðslu

1. Skráðu bankaupplýsingar með Íslykli

2. Prentaðu út skilagrein og sendu til Spalar

Spölur ehf. á og rekur Hvalfjarðargöng.

Skrifstofa Spalar er að
Kirkjubraut 28, 
300 Akranes
sími 431 5900, fax 431 5901. 

Opið mánudaga til fimmtudaga  8-16

og föstudaga 8-15 

Kennitala: 511295-2119

FYRIRMYNDARFYRIRTÆKI

VR Fyrirmyndarfyrirtaeki 2015 VR Fyrirmyndarfyrirtæki 2015 enska Fyrirmyndarfyrirtæki VR 2014 Spölur - Fyrirmyndarfyrirtaeki VR 2013
Fyrirmyndarfyrirtæki VR 2012 Fyrirmyndarfyrirtæki VR 2011 Fyrirmyndarfyrirtæki árið 2010 Fyrirmyndarfyrirtæki VR 2009