Heimsendaspámaður rumskar á 5 ára afmælinu

Honum var nóg boðið þegar núverandi ritstjóra DV datt í hug að skrifa hlýlega um Spöl og Hvalfjarðargöng í blaðið sitt. Jónas þáverandi DV-ritstjóri og kunninginn umræddi, Friðrik Hansen Guðmundsson, verkfræðingur, voru nefnilega þeir menn sem gengu hvað lengst í vaðli um Hvalfjarðargöng á opinberum vettvangi á sínum tíma.

Honum var nóg boðið þegar núverandi ritstjóra DV datt í hug að skrifa hlýlega um Spöl og Hvalfjarðargöng í blaðið sitt. Jónas þáverandi DV-ritstjóri og kunninginn umræddi, Friðrik Hansen Guðmundsson, verkfræðingur, voru nefnilega þeir menn sem gengu hvað lengst í vaðli um Hvalfjarðargöng á opinberum vettvangi á sínum tíma.

Friðrik Hansen skrifar í þetta sinn tvær greinar í DV, 22. og 23. júlí, þar sem hann finnur göngunum flest til foráttu og veður þar elginn um undirbúning framkvæmda, veggjaldið, lánasamninga Spalar og öryggismál ganganna. Hann rifjar hins vegar ekki upp eigin opinber stóryrði og sleggjudóma á undirbúningstíma ganganna þegar ekkert var sparað til að skapa tortryggni í garð framkvæmdarinnar og aðstandenda hennar.

Ástæða er til að rifja upp og halda til haga því sem Friðrik Hansen Guðmundsson lét í út úr sér á sínum tíma og velta fyrir sér: er það tilviljun að hann lét hjá líða að rifja upp fyrir lesendum DV það sem hann raunverulega sagði þá um málið?

FHG í fréttum Útvarps 1. febrúar 1996, eftir fund Verkfræðingafélagsins um Hvalfjarðargöng:

„Það liggur bara alveg fyrir eftir þennan fund að mínu mati að menn vita hreint og klárt ekkert hvað þeir eru að fara út í. Það verður ekki ljóst fyrr en menn fara að grafa og bora og sprengja þarna niðri. Þarna eru misgengissprungur, berggangar, þetta er allt saman vatnsleiðandi berglög sem þarna eru á ferðinni og ef menn lenda í þessum göngum þegar það er verið að sprengja niður á við, þar verða menn að vinna í vatni og sprengja í vatni með vatnið alltaf á sér og ef menn lenda í miklum lekavandamálum eins og í Vestfjarðagöngum, sem getur vel komið þarna upp, að þá sér maður fram á að menn gefist bara hreinlega upp.“

FHG í fréttum Stöðvar tvö 1. febrúar 1996:

„Það síðasta sem við þurfum á að halda sem stöndum í útflutningi á verkfræðiþekkingu er stórbrotið klúður á heimavelli og ef illa tekst upp í Hvalfjarðargöngunum þá mun það varpa skugga ótrúverðugleika yfir alla íslensku verkfræðistéttina.“

FHG í fréttum Sjónvarps 1. febrúar 1996:

„Ég er að benda á það að eftir þeirri reynslu sem menn hafa erlendis frá þá geta menn lent í hverju sem er þarna ofan í jarðgöngum. Menn eiga þar á hættu að lenda í miklum lekavandamálum eins og menn lentu í í Vestfjarðagöngum. Menn eiga þar á hættu að lenda í vandamálum vegna jarðskjálfta ef þarna á sér stað jarðskjálfti. Það er alveg óþekkt hvað gerist í slíkum göngum sem þessum í jarðskjálfta í þessu bergi sem við höfum hér. Við erum að horfa upp á möguleika á verulegum stórslysum ofan í þessum jarðgöngum ef að þarna á sér stað árekstur ofan í þessum djúpu jarðgöngum. Þarna getur átt sér stað bruni, þarna getur átt sér stað slys og bruni ofan í þessum jarðgöngum að þá geta menn lent þar í gríðarlegum slysum og eins og málin blasa við og standa við sérstakletga eftir þennan fund hér í dag þá hefur ekkert komið fram sem að annað en að styrkja mig í þeirri trú að þarna geta menn lent í stórbrotnu klúðri sem að bitnar síðan á okkur öllum sem búum í þessu landi.“

Flýtileiðir vegna endurgreiðslu

1. Skráðu bankaupplýsingar með Íslykli

2. Prentaðu út skilagrein og sendu til Spalar

Skrifstofu Spalar að Kirkjubraut 28 á Akranesi hefur verið lokað! 

Unnt er að hafa samband í síma 431 5900 og með tölvupósti: spolur@spolur.is 

 

FYRIRMYNDARFYRIRTÆKI

VR Fyrirmyndarfyrirtaeki 2015 VR Fyrirmyndarfyrirtæki 2015 enska Fyrirmyndarfyrirtæki VR 2014 Spölur - Fyrirmyndarfyrirtaeki VR 2013
Fyrirmyndarfyrirtæki VR 2012 Fyrirmyndarfyrirtæki VR 2011 Fyrirmyndarfyrirtæki árið 2010 Fyrirmyndarfyrirtæki VR 2009