Norðmenn sprengja lengstu jarðgöng heims

Norðmenn eru stórtækasta gangagerðarþjóð veraldar. Hvergi eru fleiri jarðgöng í þjóðvegakerfi eins lands en í Noregi, bæði undir firði og í gegnum fjöll. Nú eru bormenn Noregs að setja lengdarmet líka. Á milli bæjanna Aurland og Lærdal í Vestur-Noregi er verið að sprengja 24,5 km löng göng sem verða tilbúin árið 2001 (lengdin svarar til fimm og hálfra Hvalfjarðarganga!).

Þetta verða langlengstu jarðgöng heims og alveg sérstakt fyrirbæri í mannvirkjagerð. Fyrst var sprengt í þessum göngum 15. mars 1995 og í byrjun nýrrar aldar verður erfiðasti farartálminn á leiðinni frá Osló til Björgvinjar orðinn einn sá auðveldasti. Í stað þess að aka yfir Filefjell, verður einfaldlega ekið í gegnum fjallgarðinn. Gerfitungl er notað til að fylgjast með stefnu bormanna inni í fjallinu. Tölvubúnaður á jörðu niðri tekur á móti merkjum gerfitunglsins og skilar til tölvu í borbílunum langt inni í fjallinu. Þeir halda svo borstefnunni í samræmi við skilaboðin utan úr geimnum. Ekki verður meira en 15 sm frávik á stefnunni þegar endar ná saman.

Lengstu veggöng heims:

Kan Etsu í Japan: 11 km
Gudvanga í Noregi: 11,4 km
Mont Blanc í Frakklandi: 11,6 km
Arlberg í Austurríki: 13,9 km
St. Gotthard í Sviss: 16,9 km
Lærdal í Noregi: 24,5 (opnuð árið 2001).

Flýtileiðir vegna endurgreiðslu

1. Skráðu bankaupplýsingar með Íslykli

2. Prentaðu út skilagrein og sendu til Spalar

Skrifstofu Spalar að Kirkjubraut 28 á Akranesi hefur verið lokað! 

Unnt er að hafa samband í síma 431 5900 og með tölvupósti: spolur@spolur.is 

 

FYRIRMYNDARFYRIRTÆKI

VR Fyrirmyndarfyrirtaeki 2015 VR Fyrirmyndarfyrirtæki 2015 enska Fyrirmyndarfyrirtæki VR 2014 Spölur - Fyrirmyndarfyrirtaeki VR 2013
Fyrirmyndarfyrirtæki VR 2012 Fyrirmyndarfyrirtæki VR 2011 Fyrirmyndarfyrirtæki árið 2010 Fyrirmyndarfyrirtæki VR 2009