Stóra stundin rennur upp 3. október!

Stefnt er að því að sprengja síðasta haftið í Hvalfjarðargöngum síðdegis föstudaginn 3. október, við hátíðlega athöfn að sjálfsögðu.

Opinberlega hefur ekkert verið gefið út um að "slegið verði í gegn" þennan dag en sterkar vísbendingar eru um að undirbúningur að þessum áfanga verksins miðist við það. Ef að líkum lætur kemur það í hlut Halldórs Blöndals að sprengja haftið, líkt og í Vestfjarðagöngum, og stór hópur gesta verði viðstaddur þennan merkilega atburð í sögu samgöngumála Íslendinga.

Að morgni mánudags 22. september stóðu leikar þannig undir Hvalfirði að búið var að sprengja alls 5.417 metra og þá voru aðeins eftir 67 metrar! Að norðan höfðu þá verið sprengdir 2.380 metrar en 3.037 metrar að sunnan. Norðanmenn eru fyrir nokkrum dögum hættir að vinna í stafni ganganna og einbeita sér að því að sprengja tvö þúsund rúmmetra vatnsgryfju út frá göngunum. Þessari gríðarmiklu gryfju er ætlað að taka við hugsanlegum vatnsleka ef svo ólíklega vildi til að rafmagn færi af á svæðinu tímunum saman og dælubúnaður í göngunum yrði óvirkur. Vatnsgryfjan er þannig hluti af öryggiskerfi Hvalfjarðarganga. Vinnan við að sprengja fyrir henni gengur vel og gert er ráð fyrir að henni ljúki um næstu helgi.

Þegar síðasta haftinu verður rutt úr vegi í byrjun október verður líka búið að sprengja fyrir útskotum á leiðinni undir fjörðinn. Þegar göngin opnast verður hafist handa við frágang og ráðgert að sá áfangi taki allt að tíu mánuði. Bjartsýnir menn geta þannig vonast eftir að aka í gegn með bros á vör fyrir verslunarmannahelgi 1998. Það er að segja ef ekkert óvænt kemur upp á.

Flýtileiðir vegna endurgreiðslu

1. Skráðu bankaupplýsingar með Íslykli

2. Prentaðu út skilagrein og sendu til Spalar

Spölur ehf. á og rekur Hvalfjarðargöng.

Skrifstofa Spalar er að
Kirkjubraut 28, 
300 Akranes
sími 431 5900, fax 431 5901. 

Opið mánudaga til fimmtudaga  8-16

og föstudaga 8-15 

Kennitala: 511295-2119

FYRIRMYNDARFYRIRTÆKI

VR Fyrirmyndarfyrirtaeki 2015 VR Fyrirmyndarfyrirtæki 2015 enska Fyrirmyndarfyrirtæki VR 2014 Spölur - Fyrirmyndarfyrirtaeki VR 2013
Fyrirmyndarfyrirtæki VR 2012 Fyrirmyndarfyrirtæki VR 2011 Fyrirmyndarfyrirtæki árið 2010 Fyrirmyndarfyrirtæki VR 2009