Blöndal sprengir haftið 3. október!

Þá er komið að því góðir hálsar: Göng undir Hvalfjörð verða að veruleika föstudaginn 3. október klukkan 15:00. Þá sprengir Halldór Blöndal, samgönguráðherra, tveggja metra breitt haft undir miðjum Hvalfirði og þar með er lokið langþráðum áfanga verksins, löngu á undan áætlun.

Haftið er þegar orðið holótt, því núna í vikunni var boruð hola í gegn, tíu sentimetrar í þvermál. Og í gærmorgun, 30. september, var sprengt gat í stafninn - alveg uppi undir þaki - til að kanna hvort stefnan væri rétt og hvort náttúruleg loftræsting væri í göngunum. Allt var þetta í fínasta lagi. Bormönnum skeikar ekki um tommu og í gegnum gatið kom þessi fíni blástur norður eftir göngum. Sjö bormenn sunnan megin gátu ekki á sér setið og tróðu sér í gegnum gatið. Þeir eru þannig fyrstir í til að fara undir Hvalfjörð - skríðandi. Þar á meðal var Hermann Sigurðsson, staðarverkfræðingur Fossvirkis.

Bergið í haftinu er mjög gott en skammt sunnan við það var farið í gegn um stórt misgengi, eitt af þremur sambærilegum á allri gangaleiðinni. Þar er bergið laust í sér og tók lengri tíma að þétta það og styrkja en ella.

Búist er við á fimmta hundrað gestum í Hvalfjarðargöngum á föstudaginn, þar á meðal ríkisstjórn, alþingismönnum og fjölda annarra gesta. Gestir fara inn í göngin að norðan og bíða við útskot, hálfum öðrum kílómetra frá sprengistað, á meðan Halldór Blöndal sprengir sér leið í gegn. Að því búnu fara gestir niður í botn ganganna og líta á grjóthauginn sem ráðherra samgöngumála skilur þar eftir sig. Fylgst verður með vinnuvélum Fossvirkis hreinsa burt grjótið og síðan verður hin formlega athöfn í tilefni dagsins. Ávörp verða flutt og léttar veitingar fram bornar.

Flýtileiðir vegna endurgreiðslu

1. Skráðu bankaupplýsingar með Íslykli

2. Prentaðu út skilagrein og sendu til Spalar

Skrifstofu Spalar að Kirkjubraut 28 á Akranesi hefur verið lokað! 

Unnt er að hafa samband í síma 431 5900 og með tölvupósti: spolur@spolur.is 

 

FYRIRMYNDARFYRIRTÆKI

VR Fyrirmyndarfyrirtaeki 2015 VR Fyrirmyndarfyrirtæki 2015 enska Fyrirmyndarfyrirtæki VR 2014 Spölur - Fyrirmyndarfyrirtaeki VR 2013
Fyrirmyndarfyrirtæki VR 2012 Fyrirmyndarfyrirtæki VR 2011 Fyrirmyndarfyrirtæki árið 2010 Fyrirmyndarfyrirtæki VR 2009