Áhættusöm framkvæmd?

Þær raddir heyrðust stundum, að Hvalfjarðargöngin væru allt að því hættuleg framkvæmd af því ofan við væri sjór og hætta á miklum leka eða jafnvel flóði inn í þau. Jónas Frímannsson, aðstoðarforstjóri Ístaks hf., fjallaði meðal annars um þetta atriði í grein í tímariti umhverfis- og byggingarverkfræðinema, Upp í vindinn, 15. árgangi 1996:

„Það er von að spurt sé hvort jarðgöng undir Hvalfjörð, sem fara 160 metra ofan í jörðina, séu ekki áhættusöm framkvæmd. Í Vestfjarðagöngum, sem eru hátt uppi í fjöllum, varð mikið vatnsinnsteymi. Er ekki mikil hætta á að það endurtaki sig þegar komið er langt undir sjávarmál og allt Atlantshafið er fyrir ofan? Eftirfarandi skýringar eiga hér heima:

Veggöng sem gerð hafa verið áður hér á landi eru öll svonefnd „drenuð“ göng, en í því felst að bergið umhverfis göngin er ekki þéttað á kerfisbundinn hátt, en þess í stað er því vatni, sem kemur úr berginu í göngin, veitt út úr þeim í ræsum. Þetta á meðal annars við um Vestfjarðagöngin.

Breiðadalsheiðin er mikill fjallgarður. Inni í fjallinu liggur grunnvatnsborðið 300 metrum ofan við jarðgöngin eða tvöfalt hærra en yfirborð hafsins er yfir Hvalfjarðargöngum. Við þessar aðstæður reyndist vatnsagi meiri en við yrði ráðið með framræslu, ( „dreneringu“) og þurfti því að nota þéttingu með sementsgraut í nokkrum mæli við framkvæmdina á sama hátt og gert verður kerfisbundið í Hvalfjarðargöngum. Hvernig fer sú þétting fram?

Boraðar eru holur, sem mynda svonefnda „grouting fan“. Um er að ræða 25 metra langar holur í keilufleti út á við fram fyrir bergstálið. Ef vatnsleki úr holum verður yfir ákveðnu hámarki, er dælt í þær sementsgraut, sem lokar og þéttir opnar sprungur í berginu. Að þessu loknu er borað og sprengt á hefðbundinn hátt.

Í Vestfjarðagöngum reyndist unnt að hafa stjórn á vatnsinnstreyminu með ofangreindri aðferð. Upplýsingar, sem fyrir liggja um berglögin undir Hvalfirði, benda ekki til annars en að þessi aðferð muni einnig heppnast þar.“

Spölur ehf. á og rekur Hvalfjarðargöng.

Skrifstofa Spalar er að
Kirkjubraut 28, 
300 Akranes
sími 431 5900, fax 431 5901. 

Skrifstofan (afgreiðsla veglykla) opin:
mánudaga til fimmtudaga  
8:00-16:00
föstudaga
8:00-15:00 

Kennitala: 511295-2119.

FYRIRMYNDARFYRIRTÆKI

VR Fyrirmyndarfyrirtaeki 2015 VR Fyrirmyndarfyrirtæki 2015 enska Fyrirmyndarfyrirtæki VR 2014 Spölur - Fyrirmyndarfyrirtaeki VR 2013
Fyrirmyndarfyrirtæki VR 2012 Fyrirmyndarfyrirtæki VR 2011 Fyrirmyndarfyrirtæki árið 2010 Fyrirmyndarfyrirtæki VR 2009